Government Service Centers
News & Events
Meeting & GA Programme
District Secretary
2019 ලෝක ළමාදින සැමරුම මාතලේදී
ඔක්තෝබර් පළමුවෙනි දිනට යෙදෙන 2019 ලෝක ළමා දින ජාතික උත්සවය “සුමිතුරු දැයකින් - දිනවමු දරුවන්“ යන තේමාව යටතේ මාතලේ එඩ්වඩ් පාර්ක් ක්‍රීඩාංගනයේදී පවත්වන බව කාන්තා හා ළමා කටයුතු සහ වියලි කලාප සංවර්ධන අමාත්‍යාංශයේ ලේකම් දර්ශනා සේනානායක මහත්මිය පැවැසුවාය. මාතලේ දිස්ත්‍රික් ලේකම් කාර්යාලයීයදී පවැති සාකච්ඡාවකදී ඇය මෙම කරුණු අනාවරණය කළාය. මාතලේ දිස්ත්‍රිත් පාර්ලිමේන්තු මන්ත්‍රීණි රෝහිණි විජේරත්න මහත්මිය විසින් කරන ලද ඉල්ලීමකට අනුව මෙවර 2019 ලෝක ළමාදින උත්සවය මාතලේ දී පැවැත්වීමට තීරණය කොට තිබේ. ලෝක ළමා දිනයට සමගාමිව මාතලේ දිස්ත්‍රික්කයම ආවරණය වන පරිදි දින තුනක් පුරා ලෝක ළමාදින සමරුම ක්‍රියාත්මක වේ. මෙහිදී එක් දිනක් පුර්ව ළමාවිය හා ගර්භනී මාතාවන් ඉලක්ක කොටගෙනද, එක් දිනක් ආබාධිත දරුවන් ඉලක්ක කරගෙනද, එක් දිනක් වැඩි හිටි ළමුන් හා ළමා සමාජ ඉලක්ක කරගනිමින් විවිධ වැඩසටහන් දියත් කිරීමට සැලසුම් කොට තිබේ. ලෝක ළමාදිනයේදී ළමයින් වෙනුවෙන් විවිධ ක්‍රියාකාරකම් ඇතුළත් වැඩසටහන් සංවිධානය කිරීමට පියවරගෙන ගෙන තිබේ.
ලෝක ළමා දින මුලික සාකච්ඡාව මාතලේ පාර්ලිමේන්තු මන්ත්‍රීණි රෝහිණි කුමාරි විජේරත්න මහත්මියගේ ප්‍රධානත්වයෙන් පැවැති අතර මෙම අවස්ථාවට මාතලේ දිස්ත්‍රික් ලේකම් කරුණාසිරි පෙරේරා, අතිරේක දිස්ත්‍රික් ලේකම් ප්‍රසන්න මදනායක, ඉෂාන් විජේතිලක යන මහත්වරුන් ඇතුළු මාතලේ දිස්ත්‍රික්කයේ රාජ්‍ය ආයතන ප්‍රධානීන්, නියෝජිතයන් ඇතුළු පිරිසක් සහභාගි විය.
ආපදාවට පෙර සුදානමක්
හදිසි ආපදාවකදී කෙසේ ක්‍රියාකළ යුතුද යන කාරණය පිළිබදව මහජනතාව දැනුවත් කිරිමේ අරමුණින් මාතලේ දිස්ත්‍රික්කයේ ආපදා පෙරහුරු වැඩසටහනක් පසුගිය දා පැවැත්විණි. මාතලේ දිස්ත්‍රික්කයේ හදිසි ආපදා ඇතිවිය හැකි ස්ථාන 40ක් කේන්ද්‍රකරගනිමින් එකම දිනයකදී එකම වේලාවකදී ග්‍රාම නිලධාරි වසම් 40ක මෙම ආපදා පෙර පුහුණු වැඩසටහන ක්‍රියාත්ම විය. මාතලේ දිස්ත්‍රික් ලේකම් කාර්යාලය මෙහෙයුම් මධ්‍යස්ථානය වු අතර නවීන තාක්ෂණය උපයෝගි කරගනිමින් පුළුල් තිරයක් මත සියළු කොට්ඨාසවල ජනයා ආපදාවන්ට මුහුණ දෙන ආකාරය නිරික්ෂණය කිරිමේ වැඩ පිළිවෙළක්ද ක්‍රියාත්මක විය. දිස්ත්‍රික් ලේකම් එස්.එම්.කේ.ජී පෙරේරා මහතා ප්‍රධානත්වයෙන් මුළු මාතලේ දිස්ත්‍රික්කයම ආවරණය වන පරිදි මෙම පෙර හුරු වැඩසටහන පැවැත්වීමද විශේෂත්වයකි. මෙම ආපදා පෙර පුහුණු වැඩසටහනට මාතලේ දිස්ත්‍රික්කයේ යුධ හමුදා භට කණ්ඩායම්, රතුකුරුස සංවිධානයේ සමාජිකයන්, පොලිස් නිලධාරින්, සමෘද්ධි සංවර්ධන නිලධාරින් , ග්‍රාම නිලධාරින්, මහජන සෞඛ්‍ය පරික්ෂකවරුන්, ප්‍රාෙද්ශීය ලේකම් වරු ඇතුළු කාර්ය මණ්ඩල හා ගම්වැසියන් 5000කට අධික පිරිසක් මෙම පෙරහුරු වැඩසටහන සදහා විවිධ ස්ථානවලදී තම දායකත්වය සපයන ලදී.
ආපදාවක් ඇති වු විට ක්‍රියාකාරන ආකාරය පෙරහුරුවට ඇතුලත්විය. ආපදාවන්ට ලක්වුවන් බේරාගැනීම, ආරක්ෂිත ස්ථාන කරා රැගෙන යාම, එම ස්ථානවල ලියාපදිංචිය, ආහාර පාන සකස් කිරිම ඇතුළු සියළු කටයුතු මෙම ස්ථාන 40 දීම සිදුවීම විශේෂත්වයකි. මාතලේ දිසාපතිවරයාගේ උපදෙස් පරිදි දිස්ත්‍රික් ආපදා කළමනාකරණ සහකාර අධ්‍යක්ෂ චමින්ද අමරවීර මහතා ඇතුළු කාර්යය මණ්ඩලය විසින් මෙම ආපදා පෙර පුහුණු වැඩසටහන් සංවිධානය කරන ලදී. ( දිස්ත්‍රික් මාධ්‍ය ඒකකය)
hospital
රෝහල්වල රෝගි සත්කාරක සේවාවන් සපයන්නන් පුහුණු කිරිමේ තෙදින වැඩමුළුවක් මාතලේ මහ රෝහලේ පැවැත් විය. වර්තමානයේ රෝගි සත්කාරක සේවාවන් සදහා විශාල ඉල්ලුමක් පවතින හෙයින් ඒ සදහා යොමු වන පිරිස් සදහා විධිමත් පුහුණුවක් ලබාදිමේ අරමුණින් දිස්ත්‍රික් ලේකම් කාර්යාලයේ සංවිධානයෙන් මාතලේ මහ රෝහල එක්ව මෙම පුහුණු වැඩ මුළුව පැවැත්විය. තෙදිනක් පුරා පැවැති මෙම පුහුණු වැඩමුළුවට ප්‍රායෝගික ක්‍රියාකාරකම් ඇතුළත් වීම විශේෂත්වයකි. පුහුණු වැඩමුළුව සදහා සම්පත් දායකත්වය මාතලේ මහ රෝහලේ කාර්යය මණ්ඩලය විසින් සපයන ලදී.
පුහුණුව ලද කණ්ඩායම විසිර යාමේ අවස්ථාවට මාතලේ දිස්ත්‍රික් ලේකම් එස්.එම්.කේ.ජී පෙරේරා, අතිරේක දිස්ත්‍රික් ලේකම් ඉෂාන් විජේතිලක, සහකාර දිස්ත්‍රික් ලේකම් මාධවි හිදගොඩ මහත්මිය, දිස්ත්‍රික් ලේකම් කාර්යාලයේ වනිතා සංවර්ධන නිලධාරිනි, මාතලේ මහ රෝහලේ නිලධාරිනියන් ඇතුළු පිරිසක් සහභාගි විය.
Main Menu
Reach Us
Matale District Secretariat,
Matale.
Stay Connected
Visitor Counter
