45467636 10210348586710517 8309655828105789440 oහදිසි ආපදාවකදී  කෙසේ ක්‍රියාකළ යුතුද යන කාරණය පිළිබදව  මහජනතාව දැනුවත් කිරිමේ අරමුණින්  මාතලේ දිස්ත්‍රික්කයේ  ආපදා පෙරහුරු වැඩසටහනක්  පසුගිය  දා පැවැත්විණි. මාතලේ දිස්ත්‍රික්කයේ හදිසි ආපදා ඇතිවිය හැකි   ස්ථාන 40ක්  කේන්ද්‍රකරගනිමින්  එකම දිනයකදී  එකම වේලාවකදී   ග්‍රාම නිලධාරි වසම් 40ක   මෙම ආපදා පෙර පුහුණු වැඩසටහන  ක්‍රියාත්ම විය. මාතලේ  දිස්ත්‍රික් ලේකම් කාර්යාලය  මෙහෙයුම් මධ්‍යස්ථානය වු අතර නවීන තාක්ෂණය උපයෝගි කරගනිමින්  පුළුල් තිරයක් මත සියළු  කොට්ඨාසවල  ජනයා ආපදාවන්ට මුහුණ දෙන ආකාරය  නිරික්ෂණය කිරිමේ වැඩ පිළිවෙළක්ද ක්‍රියාත්මක විය.   දිස්ත්‍රික් ලේකම් එස්.එම්.කේ.ජී පෙරේරා මහතා  ප්‍රධානත්වයෙන්   මුළු මාතලේ දිස්ත්‍රික්කයම ආවරණය වන පරිදි  මෙම පෙර හුරු වැඩසටහන පැවැත්වීමද විශේෂත්වයකි. මෙම ආපදා  පෙර පුහුණු වැඩසටහනට  මාතලේ දිස්ත්‍රික්කයේ යුධ හමුදා භට කණ්ඩායම්, රතුකුරුස සංවිධානයේ  සමාජිකයන්,  පොලිස් නිලධාරින්, සමෘද්ධි සංවර්ධන නිලධාරින් , ග්‍රාම නිලධාරින්,  මහජන සෞඛ්‍ය පරික්ෂකවරුන්,  ප්‍රාෙද්ශීය ලේකම් වරු ඇතුළු  කාර්ය මණ්ඩල හා ගම්වැසියන්  5000කට අධික පිරිසක් මෙම පෙරහුරු වැඩසටහන සදහා  විවිධ ස්ථානවලදී  තම දායකත්වය සපයන ලදී.

            ආපදාවක් ඇති වු විට ක්‍රියාකාරන ආකාරය පෙරහුරුවට ඇතුලත්විය.   ආපදාවන්ට ලක්වුවන් බේරාගැනීම, ආරක්ෂිත ස්ථාන කරා  රැගෙන යාම, එම ස්ථානවල ලියාපදිංචිය,  ආහාර පාන සකස් කිරිම ඇතුළු සියළු කටයුතු  මෙම ස්ථාන 40 දීම සිදුවීම විශේෂත්වයකි.  මාතලේ දිසාපතිවරයාගේ උපදෙස් පරිදි  දිස්ත්‍රික් ආපදා කළමනාකරණ සහකාර අධ්‍යක්ෂ  චමින්ද අමරවීර මහතා  ඇතුළු කාර්යය මණ්ඩලය විසින්  මෙම ආපදා පෙර පුහුණු වැඩසටහන් සංවිධානය කරන ලදී.   ( දිස්ත්‍රික් මාධ්‍ය ඒකකය)

රෝහල්වල  රෝගි සත්කාරක සේවාවන් සපයන්නන් පුහුණු කිරිමේ   තෙදින වැඩමුළුවක්  මාතලේ  මහ රෝහලේ  පැවැත් විය. වර්තමානයේ  රෝගි සත්කාරක සේවාවන් සදහා  විශාල ඉල්ලුමක් පවතින හෙයින්   ඒ සදහා යොමු වන  පිරිස් සදහා  විධිමත් පුහුණුවක් ලබාදිමේ අරමුණින්  දිස්ත්‍රික් ලේකම් කාර්යාලයේ සංවිධානයෙන්  මාතලේ මහ රෝහල එක්ව මෙම පුහුණු වැඩ මුළුව පැවැත්විය.  තෙදිනක් පුරා පැවැති මෙම  පුහුණු වැඩමුළුවට   ප්‍රායෝගික ක්‍රියාකාරකම් ඇතුළත් වීම විශේෂත්වයකි.  පුහුණු වැඩමුළුව සදහා සම්පත් දායකත්වය මාතලේ මහ රෝහලේ  කාර්යය මණ්ඩලය විසින්   සපයන ලදී. 

            පුහුණුව ලද කණ්ඩායම විසිර යාමේ  අවස්ථාවට මාතලේ දිස්ත්‍රික් ලේකම්  එස්.එම්.කේ.ජී පෙරේරා, අතිරේක  දිස්ත්‍රික් ලේකම් ඉෂාන් විජේතිලක, සහකාර දිස්ත්‍රික් ලේකම්   මාධවි හිදගොඩ  මහත්මිය, දිස්ත්‍රික් ලේකම් කාර්යාලයේ  වනිතා සංවර්ධන නිලධාරිනි, මාතලේ මහ රෝහලේ  නිලධාරිනියන්  ඇතුළු පිරිසක් සහභාගි විය.    

hosp

ග්‍රාමීය යටිතල පහසුකම්  සංවර්ධනය කිරිමේ  විශේෂ වැඩ සටහන යටතේ   විල්ගමුව ප්‍රාදේශීය ලේකම් කොට්ඨාසයේ  වැව් 4ක් ප්‍රතිසංස්කරණය කිරීම සදහා  රුපියල් මිලියන  88ක මුදලක්  වෙන් කොට තිබේ.  ජාතික ප්‍රතිපත්ති හා ආර්ථික කටයුතු අමාත්‍යාංශය මගින්  මෙම වැව් ප්‍රතිසංස්කරණය  සදහා ප්‍රතිපාදන වෙන්කොට තිබේ.  

විල්ගමුව  කොට්ඨාසයේ  වත්තේගෙදර වැව ප්‍රතිසංස්කරණය සදහා  රු.මි.  46ක්ද, තුන්හිරිය වැව  වැඩි දියුණු      කිරීම සදහා මිලියන 15ක්ද,  දොඩන්ගොල්ල වැව ප්‍රතිසංස්කරණය සදහා  රු.5ක්ද,  රදාගල්පොත  ව්‍යාපාරය  යටතේ  ඇහැරන්ද වැව ප්‍රතිසංස්කරණය හා ඇල මාර්ග  පද්ධතිය ඉදිකිරීම  සදහා  මිලියන 22ක්ද වශයෙන් රුපියල් මිලියන  88ක මුදලක්  විල්ගමුව කොට්ටාසයට පමණක්  වෙන් කොට තිබේ.  මාතලේ දිස්ත්‍රික්කයේ අති දුෂ්කරම කොට්ඨාසය වශයෙන් සැලකෙන්නේද  විල්ගමුව ප්‍රාදේශීය ලේකම් කොට්ඨාසයයි.  අද (14) මාතලේ  දිස්ත්‍රික් ලේකම් කාර්යාලයීය ශ්‍රවණාගාරයේදී පැවැති දිස්ත්‍රික් කෘෂිකර්ම කමිටුවේදී මෙම තොරතුරු  අනාවරණය විය 

මාතලේ දිස්ත්‍රික් ලේකම් එස්.එම්.කේ.ජී පෙරේරා මහතාගේ ප්‍රධානත්වයෙන්  පැවති දිස්ත්‍රික් කෘෂිකර්ම කමිටු රැස්වීම සදහා  දිස්ත්‍රික්කයේ රාජ්‍ය ආයතන ප්‍රධානීන්, ගොවි සංවිධාන නියෝජිතයින්  ඇතුළු  පිරිසක් සහභාගි වුහ.

Sri Jayawardhanapura was the capital of Kotte Kingdom which was founded in 1412. After 1551 the increasing power of the Portuguese became a threat to the independence of Sri Lanka. After the demise of King Buwanekabahu they were able to secure the power of Kotte Kingdom. Their choice as the center of administration was the city of Colombo. Colombo Fort was considered to be the Naval Headquarters and the center of local administration while Pettah became a habitat area.

The city of Colombo was the center of

කෘෂිකර්ම අමාත්‍යාංශ මගින් ක්‍රියාත්මක වැව් දහසක්  - ගම් දහසක්  සංවර්ධන ව්‍යපෘතිය යටතේ මාතලේ දිස්ත්‍රික්කයේ  වැව් දහයක්  සංවර්ධනය කිරීමට පියවරගෙන  තිබේ.  මෙම ව්‍යාපෘතිය යටතේ මාතලේ ඊරියගොල්ල  වැවේ සංවර්ධන කටයුතු කෘෂිකර්ම අමත්‍ය  මහින්ද අමරවීර  හා කෘෂිකර්ම රාජ්‍ය අමාත්‍ය වසන්ත  අලුවිහාරේ  යන මහත්වරුන්ගේ ප්‍රධානත්වයෙන් පසුගියදා ආරම්භ කෙරිණි.  ගොවිජන සංවර්ධන දෙපාර්තමේන්තුව මගින් මෙම සංවර්ධන ව්‍යාපෘති ක්‍රියාත්මක කෙරේ. 

          ඊරියගොල්ල  වැව,  බීඩී දෙවල,  යටවත්ත කටුවැටිය,  දඩුවෙල කෝරලගේ වැව, අලුගොල්ල දංවැහැර වැව, පල්ලේපොල බෝමේරුව වැව,  හත්තොට අමුණ  වැලිවරණා ගොල්ල වැව,  ලග්ගල නාරංගමුව වැව,  කිබිස්ස  රංගිරිගම වැව, ගලේවෙල  මීවල  පතන වැව  යන වැව් ගම් දහසක් වැව්දහසක් ව්‍යාපෘතිය යටතේ  සංවර්ධනය කිරීමට නියමිතය.  ගොවිජන සංවර්ධන දෙපාර්තමේන්තුවේ මාතලේ දිස්ත්‍රික් කාර්යාලයට මෙම සංවර්ධන ව්‍යාපෘතිය  ඇතුළු අනෙකුත් සංවර්ධන කටයුතු වෙනුවෙන්  රුපියල් ‍මිලියන 108ක මුදලක් ලැබී තිබේ.