மாவட்டத்தின் ஒரு கண்ணோட்டம்
மாவட்டத்தின் ஒரு கண்ணோட்டம்
இலங்கையின் மத்திய பிரதேசமாகக் கருதப்படும் மாத்தளை மாவட்டம் 1993.3 சதுர கி.மீ பரப்பளவைக்கொண்டது. மத்திய மாகாணத்தின் வட பகுதியினை பிரதிநிதித்துவப்படுத்தும் மாத்தளை மாவட்டம் அகலாங்கு 800 28’ இல் இருந்து 800 59’ வரையும் நெட்டாங்கு 70 24’ இல் இருந்து 80 01’ வரையும் பரந்திருக்கின்றது.வடக்கில் அநுராதபுரத்தையும் கிழக்கில் பொலன்னறுவை, பதுளை மற்றும் அம்பாறையையும் தெற்கில் கண்டியையும் மேற்கில் குருநாகலையையும் மாவட்ட எல்லைகளாகக்கொண்ட மாத்தளை தீவின் இயற்கை வளங்கள் நிறைந்த பிரதேசங்களில் ஒன்றாகும்.
மாத்தளை எனும் பெயர் பெறுவதற்குக் காரணமாக பல்வேறு சனப்பிரவாதங்கள் கூறப்படுகின்றன. பண்டுகாபாய மன்னனால் தன் மாமனாருக்கு கொடுக்கப்பட்ட பிரதேசமான மா துள எனும் குடியிருப்பு பின்னர் மாத்தளையானதாக சனப்பிரவாதம் உண்டு. மேலும் கஜபா மன்னர் காலத்தில் சோழ இராச்சியம் முற்றுகையிடப்பட்டு 12000 மஹ தலயர்களை கொண்டு வந்து குடியமர்த்திய காரணத்தினால் மஹதலய மாத்தளை ஆனதாகச் சொல்லப்படுகிறது. உயர்ந்த மலைகளினால் சுற்றி வளைக்கப்பட்ட சமவெளியைக் கொண்டிருப்பதனால் மஹ தலாவ மாத்தளை ஆனதாகச் சொல்லப்படும் அதேவேளை இக் கூற்றானது இன்றும் ஏற்றுக்கொள்ளக் கூடிய காரணமாகும்.
உலகின் மிகச் சிறந்த நிர்மாணமான சீகிரியாவும் இயற்கையின் அபூர்வக்கொடையான நக்கிள்ஸ் மலைத்தொடரையும் கொண்டுள்ள இம் மாவட்டம் 11 பிரதேச செயலகங்களைக் கொண்ட 1373 கிராமங்களை உள்ளடக்கிய 4 இலட்சம் மக்கள் வசிக்கும் ஒரு பிரதேசமாகும்.
இலங்கையின் மத்திய மாகாணத்தின் வட பகுதியினை சித்தரிக்கும் மாத்தளை மாவட்டத்தின் அமைவிடம் மற்றும் பூகோளவியல் விபரங்கள் நில அளவைத் திணைக்கள வரைபடத்தில் (1:63360) அளவிடையில்- தம்புள்ளை, நாலந்த, குருநாகல், பொலொன்னறுவை, எலஹெர மற்றும் ரன்வல) என்னும் ஓர் அங்குல வரைபடங்களினால் சித்தரிக்கப்பட்டுள்ளது.
மலைநாட்டுக்குரிய கொட்சயிட் வகைப்பாடு பந்தித நைஸ், கருங்கல், கெலிக்நைஸ், சுண்ணாம்புக் கல்,டொலமையிற் மற்றும் கொண்லையிற் வகுப்பிற்கு உரித்தான கானற்,சிலமனயிற், பிஸ்ற் மற்றும் கிரபயிற் ஆகிய கனியங்களினால் மாத்தளை மாவட்டம் உள்ளடக்கப்பட்டுள்ளது. மாவட்டத்தின் மலைப்பாங்கான பிரதேசத்தை ஓர் அலகாக எடுத்துக்கொள்ளுமிடத்து பிரதான கனிய வளம் வானோகயிற் ஆகும். இப் பிரதான கனியவளம் காலஞ் செல்லச் செல்ல பூமியின் உட்பகுதியில் ஏற்படும் பல்வேறு மாற்றங்களுக்கு உட்பட்டு மேல் மற்றும் கீழ் வளைவுகளில் சிக்கலான தோற்றங்களை உருவாக்குகின்றது. இவ்வாறான இலட்சணங்களை நக்கிள்ஸ் மலைத்தொடர்களுக்கு அண்மையில் காணக்கூடியதாக உள்ளது. மண் அரிப்புக்கு ஈடுகொடுக்க முடியாத மற்றும் இலகுவில் ஜீரணமாகும் கானற், சிலிமனையிற் மற்றும் பெல்ஸ்பர் போன்ற கனியங்கள் அமைந்திருப்பதனால் அதன் பிரதிபலனாக நக்கிள்ஸ் மற்றும் ஹுன்னஸ்கிரிய மலை சார்ந்த பிரதேசங்களில் கடுமையான மண்சரிவு ஏற்பட்டுள்ளது. இப் பிரதேசங்களில் வருடாந்த மழைவீழ்ச்சி 1900 மி.மீ அதிகமாக இருப்பதனால் இந் நிலைமை மேலும் மோசமாகி உள்ளது.
மாத்தளை மாவட்டத்தின் கிழக்கு எல்லையில் அமைந்துள்ள மகாவலி சமவெளியை அண்மித்த பிரதேசம் பூகோள வகுப்புக்கு அமைய விஜயன் வகுப்புக்கு உட்பட்டதாகும். மகாவலி கங்கை மேவிப் பாயும் சமவெளியாகிய இவ் வலயம் விசேடமாக செழிப்பான வண்டல் மண் கொண்டதாக இருக்கின்றது. இதனால் நெற் செய்கைக்கு பொருத்தமான பிரதேசமாக மாவட்டத்தின் கிழக்கு அரைவாசி பகுதியைக் குறிப்பிடலாம்.
மாத்தளை மாவட்ட பூகோள அமைப்பினைக் கருத்திற்கொள்ளும்போது அதனை 3 பிரதான பகுதிகளாக பிரித்துக் காட்டலாம்.
- வடக்குச் சமவெளி
- மாத்தளை வட்ட வடிவ பள்ளத்தாக்கு மற்றும் நக்கிள்ஸ் பிரதேசம்.
- லக்கல சமாந்தர மலைத்தொடர்கள்
வடக்கு நோக்கிய சமவெளிக்கு பொதுவாக மாத்தளை மாவட்டத்தின் தம்புள்ளை, கலேவெல, பல்லேபொல பிரதேச செயலகங்கள் உரியதாகும். இடையிடையே உயர்ந்த மலைகளினாலும் சிறு குன்றுகளினாலும் நிறைந்த இப் பிரதேசம் பொதுவாக சமவெளியாகவும் மற்றும் கரடுமுரடான நில தோற்றத்தையும் காண்பிக்கின்றது. இப் பிரதேசத்தில் அமைந்துள்ள குன்றுகளில் சீகிரிய, தம்புள்ளை,பேலியகந்த ஆகியன புராண காலத்திலிருந்தே பிரசித்தி பெற்றவை. இச் சமவெளியானது பொதுவாக 500 -1000 அடி வரையான உயரத்தைக் காண்பிக்கின்றது. இச் சுருக்கங்கழளுடனான தரையின் பள்ளத்தாக்குகளுக்கிடையே ஓடும் நதிகளை மறித்து கட்டிய குளங்கள் பல புராண காலங்களில் இருந்துள்ளன. அவற்றில் கண்டலம, தேவஹூவ ஆகிய பாரிய குளங்கள் பிரதானமானவை ஆகும். இவற்றிற்கு மேலதிகமாக இனாமழுவ தல்கொடே மற்றும் சீகிரிய போன்ற சிறிய குளங்களும் உள்ளன. இச் சமவெளியில் பாய்ந்தோடும் கிளை நதிகளின் மூலம் இராசரட்டை குளங்கள் போஷிக்கப்படுகின்றது. அவற்றில் கலாவெவ குளம் மற்றும் மின்னேரியாக் குளம் பிரதானமானவையாகும்.
மாத்தளைப் பிரதேசம் பூகோளவியல் ரீதியாக ஒரு வட்ட வடிவ பள்ளத்தாக்காக காண்பிக்க முடியும். அதற்கான பிரதான காரணம் மாத்தளை நகரம் மலைத்தொடர்களினால் சுற்றி வளைக்கப்பட்டுள்ளமையாகும். நக்கிள்ஸ், குரழுஹெல – பன்சல்தென்ன, ஓவிலிகந்த மற்றும் ஹுன்னஸ்கிரிய மலைத்தொடர்களினால் சுற்றிவளைக்கப்பட்ட மாத்தளை நகரை அண்மித்த பிரதேசங்கள் இவ்வாறான வட்ட வடிவ பள்ளத்தாக்கை உருவாக்குகின்றது. மாத்தளை நகரத்தில் இருந்து இதனை தெளிவாக அவதானிக்க முடியும். இப் பிரதேசத்தின் பூகோளவியல் அடையாளங்களை சிக்கலாக்கும் விதத்தில் பாய்ந்தோடும் ஆறு சுது கங்கை ஆகும். இவ் ஆறானது மேற்குறிப்பிடப்பட்ட மலைத் தொடர்களில் இருந்து பாய்ந்து வரும் அருவிகளினால் போஷிக்கப்படுகிறது. மாத்தளையில் இருந்து இரத்தோட்டை ஊடாக கிழக்குப் பக்கமாகச் செல்லும்பொழுது கரடு முரடான பூகோளவியற் குறைபாடுகளைக் காட்டும் நக்கிள்ஸ் மலைத்தொடரை அடையலாம். மூடிய கையில் இருக்கும் மூட்டுக்களை ஒத்ததாக இது அமைந்திருப்பதனால் இம்மலைத்தொடர் இப்பெயரினைப் பெற்றுள்ளது.
ஐந்து உச்சிகளைக்கொண்ட இம் லைத்தொடரின் சராசரி உயரம் 400 அடிகள் வரையாகும்.
இயற்கை வனத்தில் தீவின் எந்தவொரு பிரதேசத்திற்கும் பின்னிற்காத இப்பிரதேசத்தை பாதுகாக்கப்பட்ட பிரதேசமாக அரசாங்கம் பிரகடனப்படுத்தியுள்ளது. இம் மலைத் தொடரில் இருக்கும் தனியான மலைகளிலே லக்கல மற்றும் கழுபஹன மலைகள் பிரசித்தி பெற்றவை.
மாவட்டத்தின் வனப் பரம்பலும் சிக்கலானதே. அங்கு மத்திய,தென்மேற்கு மற்றும் மேற்குப் பிரதேச காடுகள் ஈரவலய காடுகளையும் வடக்கு மற்றும் லக்கல- வில்கமுவ பிரதேசங்கள் கரையோரப் பிரதேச வெப்ப வலய காடுகளையும் உள்ளடக்கியதாகும். பிரதான பருவப்பெயர்ச்சிக் காற்றுகள் 2 இனாலும் மழையைப்பெற்றாலும் கூடிய மழைவீழ்ச்சியைப் பெறுவது தென் கீழ் பருவப்பெயர்ச்சிக் காற்றினாலாகும். நக்கிள்ஸ் மலைத் தொடர் அருகில் பல்வேறுவகையான ஜீவ வகைகளைக் காட்டும் அதேவேளை இது இலங்கைக்கு கிடைத்த ஒரு பிரதான கொடையென கருதலாம். ஹோட்டன் சமவெளிக்கு மிகவும் ஒத்ததான ஆனால் விசாலம் இல்லாத சமவெளி ஒன்று பிடவெலவுக்கு அருகில் அமைந்துள்ள அதேவேளை சிறிய அகலபாதாளம் ஒன்று அதன் ஒரு அந்தத்தில் அமைந்துள்ளது.
- சரித்திரப் பின்னணியும் அதன் முக்கியத்துவமும்
மாத்தளை மாவட்டத்தின் சரித்திரத்தினை ஆராயும் போது பிராக் சரித்திர யுகத்தில் அரக்கர்கள் வாழ்ந்த பிரதேசமாக இருந்ததிற்கான சான்றுகள் கிடைத்துள்ளன. தற்பொழுது கண்டுபிடிக்கப்பட்டுள்ள புதைபொருள் பரம்பலின்படி மாவட்டத்தின் வடக்கு மற்றும் கிழக்கு பிரதேசங்களில் இவர்கள் பரந்து வாழ்ந்திருக்கிறார்கள் என்று காணப்படுகின்றது. இப் பிரதேசங்களில் அமைந்திருக்கும் தனிமையான செங்குத்துப் பாறைகள் அவர்களின் தொழில்களை நடாத்துவதற்கு மிகவும் உதவியாக இருந்தது. 300 வருடங்கள் பழமையான சடலம் ஒன்று தம்புள்ளைக்கு அருகில் உள்ள இப்பன்கடுவ பிரதேசத்தில் கண்டுபிடிக்கப்பட்டுள்ள அதேவேளை மேற்கூறிய காரணங்களை உறுதிப்படுத்தும் பிரபல சான்றாக இதனை எடுத்துக்கொள்ளலாம்
இற்றைக்கு 400 வருடங்களுக்கு முன் வாழ்ந்த உலகப் பிரசித்திபெற்ற இராவணனின் தலைநகரம் தற்போதைய லக்கலவுக்கு அருகில் இருக்கும் லகேகல அல்லது லங்காபுர என்று சொல்லப்படுகிறது. இராவணா எனும் பெயர் சம்பந்தப்பட்ட இடங்கள் சில இன்றும் லக்கல அண்மித்த இடங்களில் இருக்கின்றது. விஜய அரசன் இலங்கைத் தீவிற்கு வந்து இறங்கிய சந்தர்ப்பத்தில் நூல் நூற்றுபவராக இருந்த குவேனியின் சொந்த இடம் கலேவெலவுக்கு அருகில் உள்ள பம்பாவ என்று வம்சக் கதைகளில் கூறப்படுகிறது. அவளின் தந்தையும் பம்பா எனும் பெயர்பெற்ற அதேவேளை அவர் அப்பிரதேசத்தின் ஆட்சியாளரானார். அரக்கர்களை அழித்த பிறகு இப்பிரதேசம் பாழடைந்ததாகச் சொல்லப்படுகிறது.
கிறிஸ்துவுக்கு முன்னரான நூற்றாண்டளவில் ஶ்ரீ மகாபோதியுடன் இந் நாட்டுக்கு வந்த ஆரியர்களினால் அப் பிரதேசங்களில் குடியிருப்புக்களை ஏற்படுத்தியதாக சரித்திரப் புத்தகங்களில் எழுதப்பட்டுள்ளது. இவ்வாறு குடியிருப்புக்கள் விரிவாக்கல் அடைவதற்கு பிரதான காரணமாக அமைந்தது நெற்செய்கைக்காக போதியளவு நீர் பெற்றுக்கொள்ள முடியாமையாகும். 1 வது கஜபா மன்னன் சோழ இராச்சியத்தை ஆக்கிரமித்து அங்கிருந்து அழைத்து வந்த 12000 பேர் குடியமர்த்தப்பட்டது மாத்தளையை அண்மித்த பிரதேசங்களில் என சனப்பிரவாதங்களில் கூறப்படுகின்றது. மாத்தளை கடயிம் புத்தகத்தில் கூறப்பட்டுள்ளவாறு ஆரியர்கள் இலங்கையின் பல்வேறு இடங்களில் குடியமர்ந்த அதேவேளை அதில் 17 இடங்கள் தற்போதைய மாத்தளை மாவட்டத்தில் அமைந்துள்ளது. அதில் பெரும்பான்மையானவை கலேவெல மற்றும் அதனை அண்மித்த பிரதேசங்களாகும்.
மாத்தளையின் சரித்திரத்தில் கீர்த்திமிக்க காலம் கி.மு 77 – 89 வரையான வலகம்பா அரசனின் காலமாகும். மாத்தளை அலுவிகாரையில் நடைபெற்ற திரிபீடகத்தை நூல்வடிவில் ஆக்கும் நிகழ்வு இடம்பெற்றது இக் கால கட்டத்தில் ஆகும். அடுத்த சுவர்ணமுகயுகம் ஆரம்பமாவது கி.மு 479 - 497 வரையான காலமாகும். தன் தந்தையைக் கொன்று ஆட்சியைக் கைப்பற்றிய காசியப்ப அரசன் தனது தலைநகராக தம்புள்ளையை அண்மித்த சீகிரியாவைத் தேர்ந்தெடுத்தான். அவரினால்அநுராதபுர ஶ்ரீ விபூதி சீகிரியவுக்கு எடுத்து வரப்பட்டு அங்கு பாரிய நிர்மாணம் ஒன்றினை செய்வித்தான்.அதுவரையில் காட்டு ஆரன்ய சேனையாக இருந்த சீகிரியவை அழகிய கலைப்பொக்கிஷமாக மாற்றிய பெருமை இவரையே சாரும். 18 வருடங்கள் ஆட்சி புரிந்த அவரின் நிர்மானங்கள் இன்றும் உலகத்தவரை வியக்கவைக்கும். அவரினால் சீகிரியவைச் சுற்றி அமைக்கப்பட்ட கட்டடங்கள் மற்றும் நீரியல் தொழிநுட்பம் நவீன பொறியியல் தொழில் நுட்பத்திற்கு சவாலாக அமைந்துள்ளது. அவ்வாறே சீகிரிய குன்றில் வரைந்த சுவரோவியங்களும் மிகச்சிறந்த நிருமானம் என்பது. வெளிப்படை.
அநுராதபுர ஆட்சிக் காலத்தின் இறுதியில் மானவம்ம அரசர் காலத்தில் கிடைக்கப்பெற்ற இன்னுமொரு கொடையாக நாலந்தா கெடிகெயவைக் கூறலாம். பல்லவ கட்டடக் கலைக்கு அமைய இந்து சமயத்துக்கு ஒத்ததான கலைவடிவம் கொண்ட நிருமானமாக இதனைக் கருத்திற் கொள்ளக்கூடிய அதேவேளை தீவின் மத்திய கேந்திர நிலையம் இதுவென சொல்லப்படுகிறது. பொலொன்னறுவையின் முதல் ஆட்சியாளராகிய விஜயபாகு மன்னன் சோழர்களிடமிருந்து நாட்டை மீட்பதற்கான சதித்திட்டத்தை தீட்டியது தம்புள்ளைக்கு அருகில் இருக்கும் மெனிக்தென எனும் பெயருடைய இடத்திலாகும். அவ்வாறே தன்னுடைய பிரதான போரிடும் மத்திய நிலையமாகவும் இதனைத் தேர்ந்தெடுத்தான்.
1 ஆம் பராக்கிரமபாகு மன்னன், பொலொன்னறுவையை ஆண்ட கஜபாகு மன்னனுக்கு எதிராக நடத்திய போருக்கான பிரதான போரிடும் மத்திய நிலையமாக தேர்ந்தெடுத்தது நாலந்தாவை ஆகும். இதற்கு மேலாக செலகம, போகம்பரை லக்கல, ரணமுரே, அம்பன ஆகிய பிரதேசங்ளையும் போரிடும் மத்திய நிலையங்களாகத் தேர்ந்தெடுத்தான். பொலொன்னறுவையை கடைசியாக ஆட்சி செய்த நிஸ்ஸங் மல்ல மன்னன் தம்புள்ளை விகாரயை தங்கமுலாம் பூசி புனர்நிர்மானம் செய்தான்.
அதேவேளை அதன் பின்னர் அது ரங்கிரி தம்புள்ளை எனும் பெயர் பெற்றதாகச் சொல்லப்படுகிறது. அவ்வாறே அவருடைய சிம்மாசனத்தை உருவாக்குவதற்காக பேலியகந்த எனும் இடத்தில் இருந்து கற்பாறை ஒன்றினை எடுத்துச் சென்றதாகச் சொல்லப்படுகிறது.
கம்பளையில் வாழ்ந்த 3 ஆம் விக்கிரமபாகு மன்னனுக்கு எதிராக வடபகுதியில் வாழ்ந்த தமிழ் மன்னனாகிய ஆரிய சக்கரவர்த்தியினால் படையொன்று அனுப்பப்பட்டதனை அறிந்து ரய்கம என்னும் ஊருக்கு தப்பியோடினான். அத் தமிழ்ப் படைகள் மாத்தளை நகருக்கு அண்மையில் நிலைகொண்டிருந்த வேளையில் சுயாதீனமாக மாத்தளையில் வசிக்கும் மக்கள் அவர்களுடன் சண்டையிட்டார்கள். அங்கு தமிழ்ப் படையினரின் பலபேர் கொல்லப்பட்ட அதேவேளை மீதியானவர்கள் தப்பியோடினார்கள். இது இலங்கைச் சரித்திரத்திலேயே ஆட்சியாளர்களின் வழிகாட்டலின்றி நடைபெற்ற ஒரேயொரு சமராகச் சொல்லப்படுகிறது.
கோட்டை யுகத்தில் 6 ஆவது பராக்கிரமபாகு மன்னனின் பின்பு இலங்கையின் ஒற்றுமை சீர் குலைந்தது. அதன் பின்பு மலைநாட்டு இராச்சியத்தின் ஒரு பகுதியாகிய மாத்தளைப் பிரதேசத்திற்கு யுவ அரசனாக விஜயபால அரசகுமாரன் நியமிக்கப்பட்டான். இக் காலத்தில் மலை நாட்டு இராச்சியத்தின் ஆட்சியில் இருந்தவர் இவரின் தந்தையாகிய செனரத் மன்னனாவான். கொடபொலவில் தனது மாளிகையை அமைத்து அங்கிருந்து ஆட்சிசெய்த விஜயபால குமாரன் சிறந்த போர் வீரன் ஆவான்.போர்த்துக்கேயருடன் சண்டையிட்டு அவர்களை படுதோல்வியடையச் செய்ய இவ் அரசகுமாரனால் முடிந்தது. கி.பி. 1635 இல் இவ் அரசகுமாரன் மாத்தளையில் இருந்து தப்பியோடிய அதேவேளை அன்றிலிருந்து மாத்தளை மலைநாட்டு இராச்சியத்திற்கு உள்ளாகியது. 1815 இல் மாத்தளை பிரதேசம் உட்பட மலைநாட்டு இராச்சியம் பிரித்தானியர்களின் ஆட்சிக்கு உட்பட்டது. பிரித்தானியர்களுக்கு மாத்தளை பிரதானமாகப்பட்டது யாதெனில் பெருந்தோட்டச் செய்கை மற்றும் திருகோணமலை கண்டி வீதி மாத்தளை ஊடாகச் சென்றமையுமாகும். சோழர்கள் மற்றும் தமிழர்களின் முற்றுகையின்போது ராஜரட்டை அரசர்கள் மலைநாட்டுக்கு தப்பியோடுவதற்கு பாவித்தது மாத்தளையூடாக உள்ள பாதையாகும். விசேடமாக மலைநாடும், ராஜரட்டையும் , திருகோணமலையும் தொடர்புபட்டது மாத்தளை ஊடாகவாகும். 1803 மற்றும் 1815 மலைநாட்டு முற்றுகைக்கு பிரித்தானியர்கள் இப் பாதையையே பாவித்தனர். 1803 ஆம் ஆண்டு முற்றுகைக்கு அவர்கள் மாத்தளைக்கு அண்மையாக மென்டவால் கோட்டையை அமைத்த அதெவேளை முற்றுகை தோல்வியடைந்ததுடன் அதுவும் அழிந்துபோயிற்று. தற்போது மாத்தளையின் பிரதான சுடுகாடாக பாவனையில் இருப்பது அக்கோட்டை இருந்த பிரதெசமான அதேவளை அதன் எச்சங்களை இன்றும் காணக்கூடியதாக உள்ளது.
1848 இல் இடம்பெற்ற கலகம் மாத்தளை சரித்திரத்திலேயே பிரதான சந்திஸ்தானமாகும். இக் கலகத்தினை முழுமையாக திட்டமிட்டு நடைமுறைப்படுத்தியது மாத்தளை மாவட்டதிலாகும். வீரபுரன் அப்பு மற்றும் கொங்காலேகொட பண்டா அவர்களினால் முன்னெடுக்கப்பட்ட இக் கலகம் தோல்வியடைந்ததையிட்டு தலைவர்கள் அனைவரும் மாத்தளையில் சிறைப்பிடிக்கப்பட்டு கொல்லப்பட்டார்கள்.
இலங்கைக்குகீர்தியைப்பெற்றுக்கொடுத்த எஹலேபொல நிலமே, எடிபொல நிலமே மற்றும் வீர மெத்தும பண்டாரவினதும் அண்மைக்காலத்தில் இலங்கையின் முதல் தேசாதிபதி மற்றும் ஜனாதிபதியாகிய வில்லியம் கோபல்லாவ அவர்களினதும் சொந்த இடம் மாத்தளை மாவட்டமாகும். அவ்வாறே கண்டு இராச்சிய அரசர்களின் நம்பிக்கையைப்பெற்ற நிலமேக்கள் மற்றும் உத்தியோகத்தர்கள் பலர் மாத்தளை மாவட்டத்தை தமது சொந்த இடமாகக் கொண்டவர்கள் ஆவர்.
அவ்வாறே சுதந்திரம் அடைத்த்தன் பின்னர் இதுரை பல அரசாங்க அதிபர்களினால் மாத்தளை மாவட்ட நிர்வாக நடவடிக்கைகள் மேற்கொள்ளப்பட்டு வந்துள்ளது. அதற்கமைய மாவட்டத்தில் பல்வேறு வளங்கள் மற்றும் அபிவிருத்தி சாத்தியப்பாடுளை இனம் கண்டு மாவட்டத்தின் முன்னேற்றம் கருதி பல்வேறு பாரிய வேலைத்திட்டங்கள் இதுவரை மேற்கொள்ளப்பட்டு வந்துள்ளன. இந்த அரசாங்க அதிபர்களில் திரு.சிறில் கமகே மற்றும் திரு. நீல் த அல்விஸ் ஆகியோர் உள்நாட்டு அலுவல்கள் அமைச்சிற்கு செயலாளர்களாக பதவி உயர்வு பெற்று சென்றுள்ளமையானது விஷேட அம்சமாகும். மேலும் மாத்தளை மாவட்ட அரசாங்க அதிபராகக் கடமை புரிந்த திரு. காமினி செனவிரத்ன என்பவர் அரசாங்க சேவைகள் ஆணைக்குழுவின் செயலாளராக சேவை புரிந்துள்ளமையும் அவ்வாறான ஓர் சந்தர்ப்பமாகும். இதற்கு மேலதிகமாக மாத்தளை மாவட்டத்தில் முதலாவது ஓர் பெண் அரசாங்க அதிபராக திருமதி.ஹெலன் மீகஸ்முல்ல அவர்கள் கடமை புரிந்துள்ளமையும் பிரதான அம்சங்களில் ஒன்றாகும்.
